Бабичката привлече внимание откако сподели совети за долговечност на Фестивалот за медицина на етничките малцинства Јао во автономниот округ Џијангхуа Јао на почетокот на јуни, објави локалната телевизија.
„Вешта со хулахоп“
Новинарите ја посетија жената, а таа направи 100 стомачни на креветот и 200 склекови на подот на нивно барање.
Се вели дека бабата е „вешта со хулахоп“ и нејзиното здравје се подобрило благодарение на вежбањето.
„Моите склекови можеби не се на ниво, но се обидувам да правам 200 секој ден“, рече старицата.
Ги мие нозете во топла вода
Таа рече дека обично вежба дома бидејќи често врне дожд и не ѝ е погодно да учествува во активности на отворено. Ли, исто така, откри дека ги мие нозете во топла вода секоја вечер.
„Порано имав грчеви во нозете, но откако почнав да користам купки за нозе, тоа повеќе не се случува“, рекла таа.
По дипломирањето на универзитет во Чангша, Хунан, во 1959 година, Ли со децении работела како воспитувачка во градинка.
Секој сака да вежба
„Сакам да ги правам движењата што децата обично ги прават“, изјавила енергичната старица за медиумите.
Во Кина е вообичаено постарите луѓе да спортуваат.
На улиците на градовите таму, бабите и дедовците вежбаат Таи Чи, а навечер учествуваат во улично танцување и активно користат јавна опрема за вежбање на спортските терени.
