Тој е многу активен на социјалните мрежи, каде што ги известува обожавателите за својот приватен живот, а неодамна објави фотографии од болница со левата рака преврзана.
Загрижена мајка
Заедно со фотографијата, Кирил кратко напиша: „Операција за отстранување на бицепс“.
Повеќето корисници не се изненадени што тој завршил во болница, додека зад него може да се види кревет и разни уреди. Дали неговото здравје одеднаш се влошило, или ги послушал советите на обожавателите и семејството и дошол во болница, останува мистерија.
За потсетување, мајката на Кирил постојано јавно ја изразуваше својата загриженост, а ова не е прв пат тој да биде примен во болница поради неговите „напумпани“ бицепси.
„Лошо е за неговото здравје. Од време на време добива инфекции. Нема ништо добро во тоа. Секако, како мајка, многу сум загрижена“, рече таа еднаш.
Ризик од компликации
Хирургот Дмитриј Мелников минатата година предупреди дека компликациите предизвикани од инјекциите со „синтол“ би можеле да доведат до фатален исход.
„Ризикот од компликации во овој случај е многу висок. Токсична супстанца во телото може да го комплицира функционирањето на бубрезите на долг рок и да доведе до смрт“, објасни тој.
Младиот инфлуенсер веќе морал да оди под нож, кога лекарите му ги исчистиле затнатите трицепси, отстраниле дел од мртвиот мускул и му го исцедиле вишокот течност од бицепсот.
Лавина од коментари
Кирил признал дека неговите здравствени проблеми се „последица на неговата сопствена глупост“, а откако почнал да ја зголемува мускулната маса на рацете на 20-годишна возраст, објавува Дејли Стар.
На своите најнови фотографии, тој покажа како изгледа неговата лева рака - по интервенцијата, и предизвика лавина од коментари.
„Требаше да го направиш тоа пред пет години“, „Дали конечно го сфати проблемот“, „Добро е што преживеа“, беа некои од пораките.
