Физичарот ја стекнал виолината кратко пред да го напушти Минхен во средината на 1890-тите за да се пресели во Швајцарија за да студира.
Тој свирел на виолина, на која подоцна го гравирал натписот „Лина“, во доцните тинејџерски години и раните зрели години, додека ја развивал својата теорија за релативност.
Виолината сега е на пазарот со проценета цена помеѓу 230.575 и 345.860 евра, додека седиштето за велосипед на Ајнштајн би можело да достигне цена до 57.645 евра, објавува „Дејли меил“.
Инструментот, кој внатре носи етикета од производителот од Минхен со датум, ги има сите оригинални делови, од жиците, задниот дел и завртката за фино подесување.
Се очекува и книга за филозофијата на Декарт и Спиноза, која Ајнштајн ја потпишал двапати со молив, на аукцијата да достигне цена од 3.500 евра.
Предметите биле во семејството Ајнштајн веќе 70 години, а сега ги продава аукционерот Доминик Винтер од Сиренсестер, Глостершир.
Ајнштајн, кој почина во 1995 година, ја подарил виолината од 1894 година, заедно со својот велосипед и книга за филозофија, на својот добар пријател и колега физичар Макс фон Лауе кон крајот на 1932 година.
Тој се подготвувал да избега од Германија за Америка за да избега од нацистичкиот прогон поради неговата еврејска вера и сакал неговите работи да не бидат изгубени, а 20 години подоцна, фон Лауе ги подарил предметите на својата познаничка и обожавателка на Ајнштајн, Маргарете Хомрих од Брауншвајг.
Ајнштајн почнал да свири виолина на петгодишна возраст и вежбал речиси секој ден во текот на целиот свој живот, дури и настапувал јавно, и рекол дека би продолжил со музичка кариера ако не станел физичар.
