Директорот на аукциската куќа, Бернар Пике, рече дека станува збор за исклучителна колекција која е дело на самиот уметник.
Уникатни парчиња
Како што додаде Пике, ова се уникатни парчиња кои се дел од наследството на Пикасо, а неговите наследници му ги дале на пријател на почетокот на 1980-тите.
Анонимното лице било француски љубител на уметност чие име не е откриено, а по неговата смрт, наследниците одлучиле да ја понудат колекцијата керамика на продажба.
Колекцијата од седум парчиња е создадена помеѓу 1947 и 1963 година во работилницата Мадуро во Валорцин, југозападна Франција, и била јавно изложена за прв пат пред аукцијата.
These two codgers turned up at our local craft market, doggedly trying to make a dollar selling their ceramic plates. Hah! Neither could even draw a straight line! Who do they think they are ~ Picasso and Chagall? 😃 (yes! In 1948, at Madoura workshop) https://t.co/1G0qMYykVK pic.twitter.com/BTaxHdYRgJ
— Journal of Art in Society (@artinsociety) October 18, 2023
„Цените се високи, но...“
Секое парче грнчарија се продава одделно, а се очекува две поголеми чинии украсени со гулаби да достигнат цена помеѓу 30.000 и 50.000 швајцарски франци (37.000 до 61.500 долари).
Третата чинија со мотиви од риби се проценува на цена помеѓу 20.000 и 30.000 франци. Исто така, има неколку парчиња теракота и чинии со други мотиви.
„Цените се високи, но не заборавајте дека ова се уникатни парчиња со единствена вредност“, рече Пике.
