Како што објавија британските медиуми, се истражуваат обвинувањата дека Манделсон му пренел чувствителни информации на американскиот финансиер и осуден сексуален престапник Џефри Епстин.
Манделсон, истакната личност во државната политика и поранешен британски амбасадор во Вашингтон, беше приведен околу 17 часот вчера под сомнение за занемарување на должноста при вршење на јавна функција.
Манделсон не даде изјава за медиумите откога почна истрагата.
Манделсон, кој беше назначен за амбасадор во Соединетите Американски Држави од страна на премиерот Кир Стармер во февруари лани, наводно му пренел информации на Епстин во врска со потенцијалната продажба на британски имот.
Манделсон беше отстранет од функцијата минатиот септември по првиот бран откритија во скандалот со Епстин. Оттогаш му е одземен благородничкиот ранг и ја напушти Лабуристичката партија.
Неговото апсење следува по апсењето на Ендру, братот на британскиот крал Чарлс III, кој е исто така вмешан во скандалот со Епстин.
