По слетувањето, екипажот е забележан како мавта од капсулата, а од внатре се слушаат извици на воодушевување.
Екипата ја сочинуваа новинарката Гејл Кинг, пејачката Кети Пери, свршеницата на Џеф Безос, Лорен Санчез, филмската продуцентка Каријан Флин, поранешниот научник за ракети на НАСА Ајша Боу и активистката Аманда Нујен.
Летот започна во 15:31 часот по локално време кога ракетата Њу Шепард полета од пустината Тексас, носејќи целосно женска екипа на суборбитален лет. Набргу по лансирањето, ракетниот засилувач успешно се врати на Земјата и слета вертикално, што е уште една потврда за успехот на технологијата на „Блу Ориџин“.
За време на летот, капсулата достигнала брзина од 2.300 милји на час, три пати поголема од брзината на звукот, а потоа ја преминала границата на вселената. Во тој момент, екипажот можеше да ги откопча појасите и да доживее бестежинска состојба.
Ракетата безбедно слета, а враќањето на капсулата со екипажот го означи успешното завршување на мисијата. Ова е уште еден во низата успешни комерцијални летови на „Блу Оринџ“.
Katy Perry lands safely and kisses the ground after Blue Origin space trip.
— Rolling Stone (@RollingStone) April 14, 2025
She sang "What a Wonderful World" while in the space capsule. pic.twitter.com/1tdQ4FVvzL
