Американската Академија за филмски уметности и науки ги додели „Оскарите“ на свеченоста што се одржа во „Долби театарот“ во Лос Анџелес. Филмот „Една битка по друга" (One battle after another) триумфираше со шест златни статуетки, од вкупно 13 номинации. Емисијата ја водеше Конан О'Брајен.
Додека златната статуетка за најдобар режисер заслужено му припадна на Пол Томас Андерсон, докажувајќи ја својата доминација на овогодинешните награди.
На годинашното, 98. доделување „Оскари“, политичко-акциониот трилер „Една битка по друга" ги доби признанијата за најдобар филм, машка споредна улога (Шон Пен), кастинг (Касандра Кулукундис), монтажа, како и наградите за најдобра режија и адаптирано сценарио, коишто му припаднаа на Пол Томас Андерсон.
Џеси Бакли ја освои наградата за најдобра актерка за „Хамнет“ , првата ирска актерка што ја освоила таа награда.
Jessie Buckley wins Best Actress in a Leading Role at #Oscars for “Hamnet” pic.twitter.com/mQXcFRrt09
— Deadline (@DEADLINE) March 16, 2026
Оумн Дуралд Аркапо е првата жена што ја освоила наградата Оскар за најдобра кинематографија, а Мајкл Б. Џордан ја освои наградата за најдобар актер - и двете за филмот „Грешници“.
Michael B. Jordan reacts to winning Best Actor at the #Oscars pic.twitter.com/WqmuNJZtYY
— Film Updates (@FilmUpdates) March 16, 2026
Филмот „Грешници“ влезе во вечерта со импресивни 16 номинации, што го прави еден од најноминираните филмови во историјата на академијата за филмски уметности и науки. А на крајот славеше со четири награди, што не го потврди својот статус на фаворит.
Филмот-рекордер по номинации, „Грешници“ (Sinners), oд вкупно 16 можности, доби четири „Оскари“. Имено, овој психолошки хорор-трилер ги има најдобрата главна машка улога (Мајкл Б. Џордан), оригинално сценарио (Рајан Куглер), оригинална филмска музика и кинематографија.
Одличијата за најдобра женска главна и споредна улога, соодветно, отидоа кај Џеси Бакли („Хамнет“) и Ејми Мадиган („Момент на исчезнување“).
„Оскарот“ за најдобар филм од неанглиско говорно подрачје, го доби норвешкиот „Сентиментална вредност“ (Affeksjonsverdi).
Последната филмувана верзија од „Франкенштајн“ ги доби наградите за шминка и фризура, и за костимографија. Најдобрите звучни ефекти, според американската Академија, ги има филмот „Ф1“. Одличјето за најдобри визуелни ефекти го доби филмот „Аватар: Оган и пепел“.
Најдобра филмска песна е „Голден", од цртаниот филм „К-поп ловци на демони“. Остварувањето го доби признанието за најдобар долгометражен анимиран филм.
Најдобар долгометражен документарен филм е „Г-н Никој против Путин“. Најдобар краток документарец е „Сите празни соби“.
