Така тој се најде во центарот на скандал кој привлече големо внимание во јавноста. Бајрон е извршен директор на компанијата со седиште во Њујорк (и канцеларии во Сан Хозе и Сан Франциско) од 2023 година. Фирмата е специјализирана за „DataOps“ решенија и развој на платформата „Астро“.
Успон во технолошкиот свет
Енди Бајрон ја презеде функцијата извршен директор (CEO) во „Астрономер“ во јули 2023 година, компанија позната по платформата „Астро“, базирана на „Apache Airflow“. Од неговото доаѓање, компанијата забележа експлозивен раст — над 292 проценти зголемување на приходите на годишно ниво, како и повеќе од милијарда извршени задачи на платформата. Преземањата на „Apache Airflow“ достигнале 30 милиони месечно, според податоците на веб-страницата на компанијата, објави B92.
Пред ангажманот во „Астрономер“, Бајрон бил на високи раководни позиции во компаниите „Cybereason“, „Fuze“ и „Lacework“, каде работел на глобално проширување на бизнисот и развој на продажни тимови.
Инвеститори како „Bain Capital“ и „Salesforce Ventures“ јавно ја пофалија визијата и ефикасноста на Бајрон во водењето на „Астрономер“, што ѝ овозможи на компанијата да ја надмине проценетата вредност од над една милијарда долари. За време на неговиот мандат, компанијата привлече водечки експерти од индустријата, како Картeр Пејџ (поранешен експерт од Google и Two Sigma), со цел дополнително да го зајакне истражувачкиот и развојниот сектор.
Критики од поранешни вработени
Скандалот ги поттикна поранешните вработени да проговорат за стилот на раководење на Бајрон. Како што пренесуваат медиумите, поранешни соработници од „Астрономер“ и „Cybereason“ го опишале како „токсичен“ менаџер кој наводно со закани и притисоци се обидувал да постигне резултати. Многумина, според нив, уживале во неговото јавно посрамотување на социјалните мрежи.
Примања
Сервисите како „Owler“ наведуваат дека маржата на „Астро“ и проценетиот годишен приход на компанијата (100–250 милиони долари) укажуваат дека вкупната годишна компензација на Енди Бајрон може да се движи од 5 до 25 милиони долари. Сепак, деталната структура на неговата накнада (основна плата, бонуси, акции) не е јавно објавена, а и „Астрономер“ не објавува јавно извештаи за компензација како што тоа го прават големите јавни компании (на пример „Atlassian“, „eBay“ итн.).
Енди Бајрон останува еден од највлијателните луѓе во светот на „DataOps“ и отворените технологии. Сепак, неговиот деловен успех сега е засенет од приватен скандал кој отвори прашања за етичкото однесување на лидерите во технолошките компании. Дали ќе продолжи да го води „Астрономер“ или последиците од скандалот ќе влијаат врз неговата кариера, останува да се види.
Coldplay accidentally exposed an alleged affair between Astronomer CEO Andy Byron and his colleague Kristin Cabot at one of their recent concerts. pic.twitter.com/hsJHV2u5UM
— Pop Base (@PopBase) July 17, 2025
