Инцидентот, кој ги остави локалните жители во шок, се случил рано наутро во неделата и бил снимен од надзорна камера.
Властите објавија фотографии и вознемирувачко видео од жената, кое е направено околу 2 часот наутро во неделата, 12 октомври. Снимката од 20 секунди прикажува неидентификуван маж како ја влече жената од нејзината влезна врата додека таа вреска за помош. Видеото е снимено на безбедносна камера во блиска куќа.
We’ve worked throughout the day on this investigation, following up on numerous leads, and we appreciate the public's help.
— Wichita Police (@WichitaPolice) October 13, 2025
At this time, we have not been able to identify the female and male seen in the video. Exploring all options, we've reached out to our regional and… pic.twitter.com/APj14eTdRI
Истражителите рекоа дека го подобриле аудиото во видеото за да го намалат фоновиот шум со надеж дека некој ќе го препознае гласот на жената. Досега, ниту жената ниту мажот на видеото не се идентификувани, а полицијата побарала помош од регионалните и федералните агенции.
„Работевме деноноќно на оваа истрага, следејќи бројни траги и ја цениме помошта од јавноста“, соопшти полицијата на социјалните мрежи.
🚨 Wichita Police Department Request for Assistance 🚨
— Wichita Police (@WichitaPolice) October 13, 2025
The Wichita Police Department is asking for the community’s help in identifying and locating the female in the photo. She was last seen being taken by force on October 12, 2025, at approximately 2 AM., in the 1400 block of… pic.twitter.com/isf2c3ciky
Тие апелираа до јавноста внимателно да ја прегледа снимката и да се јави со какви било информации.
„Вашата помош е клучна за обезбедување на нејзината безбедност“, додадоа тие, според „Фокс њуз“.
Инцидентот предизвика загриженост кај жителите. Една жена рече дека е особено загрижена за ситуацијата, особено за младите жени во областа.
„Опасно е. Точно е. Но, секогаш, верувам дека секогаш имало киднапирања“, изјави таа за локалните медиуми, додавајќи дека никогаш не била сведок на нешто слично во нејзината населба.
