Татјана Дохотару, 34, била убиена во нејзиниот стан на 22-ри кат во југозападен Сиднеј доцна вечерта на 26 мај 2023 година.
Нејзиниот поранешен партнер Дени Зајат, 30, се изјаснил за невин за нејзиното убиство и вчера се соочил на првиот ден од неговото судење пред порота во Врховниот суд на Нов Јужен Велс.
Поротата го слушнала повикот за помош од 89 секунди, што Татјана го направила кратко пред да биде убиена.
„Моето поранешно момче е тука и се обидува да ме убие“, ѝ рекла таа на диспечерката.
На снимката од разговорот, двајцата може да се слушнат како се расправаат за пари, изјави крунскиот обвинител Алекс Морис.
Татјана ѝ рекла на диспечерката дека нејзиниот поранешен ја тепа и ѝ ги краде парите, објави Дејли Меил.
Поротата слушнала дека ја дала адресата на нејзиниот стан во предградието на Ливерпул во Сиднеј пред да заврши повикот. На судот му било кажано дека Зајат ѝ го грабнал телефонот, го прекинал повикот и го фрлил од балконот.
Часови подоцна, Зајат е обвинет за нејзиното убиство.
Тој е осомничен дека ја убил удирајќи ја по главата еден или повеќе пати, предизвикувајќи повреда на главата.
Намерата била или да ја убие или да предизвика тешки телесни повреди на неговата поранешна партнерка, рече Морис.
Судењето за бруталното убиство продолжува.
