Тој најпрво рече дека се надева оти Трамп ќе го информира за деталите од разговорите, но додаде дека го поддржува предлогот за запирање на нападите врз енергетската инфраструктура на 30 дена.
Тој рече дека Украина ќе ги поддржи сите идеи кои водат кон стабилен и праведен мир, но дека безусловен прекин на огнот ќе биде подобар чекор напред.
„Идните разговори без Украина на маса нема да донесат резултати“, рече Зеленски.
Зборувајќи за руската понуда за ослободување на 23 тешко ранети украински војници, тој рече дека ослободувањето на сите затвореници ќе биде вистинскиот начин Русија да покаже дека е сериозна за мировните преговори. Како одговор на барањето на Путин да ја прекине целата странска воена помош и размена на разузнавачки информации, Зеленски рече дека сојузниците на Украина никогаш нема да се согласат на таков потег и дека се надева дека испораката на оружје ќе продолжи.
Ukrainian President Volodymyr Zelenskyy said the phone call between Donald Trump and Vladimir Putin shows that Russia isn’t ready for a ceasefire. 😒
— Melissa Hallman (@dotconnectinga) March 18, 2025
The two sides may reach an agreement to halt strikes on energy infrastructure if the US acts as the middleman, Zelenskyy told… pic.twitter.com/627CyTL6Zj
Зеленски додаде дека ова барање е само обид на Путин да ја ослабне Украина. Украинскиот лидер исто така рече дека неговите сили оцениле дека Русија подготвува нови офанзиви во неколку региони - Суми, Харков и Запорожје во обид да го зголеми притисокот врз Киев.
