Претседателот Доналд Трамп за време на неговата кампања промовираше строга политика против криминалот, ветувајќи дека ќе ги отстрани криминалните илегални имигранти и ќе обезбеди ресурси за полицијата за одржување на безбедноста во градовите. Сега, NYPD (Њујоршката полиција) го слави ова значајно достигнување, кое наиде на бројни пофалби од Трамп, пренесува Dailymail.
„За прв пат по 30 години, нема смртни случаи од пукање во Њујорк во период од 5 дена“, се вели на официјалниот профил на њујоршката полиција на социјалната мрежа X.
„Ова е најдолгиот период во кој не сме имале жртва на пукање од почетокот на ерата на CompStat (дигитално секојдневно следење на криминалот). Ова е резултат на храбрата работа на членовите на NYPD кои работат секој ден.“
For the first time in 30 years, there have been 0 shooting victims in New York City for a 5-day period.
— NYPD NEWS (@NYPDnews) January 24, 2025
This is the longest we've gone without a shooting victim since the beginning of the CompStat era and is a result of the brave work that the members of the NYPD do every day.
Сепак, оваа порака поттикна бројни одговори кои му дадоа заслуга на Трамп за овој сосема неочекуван резултат, иако претседателот не е споменат во првичната објава.
„Ова нема никаква врска со #47, нели?“, напиша еден фан на Трамп.
„Фала Трамп. Каква чудна случајност“, напиша друг, додека трет беше уште поконкретен:
„Тоа е ефектот на Трамп, тој веќе ги прави нашите улици побезбедни!“
Минатата година во Њујорк имало 377 убиства. Сепак, критичарите рекоа дека е поверојатно дека петте дена без пукање се резултат на многу ниските температури во Њујорк кои ги принудија луѓето да останат во затворени простории и да го избегнуваат студот.
NYC goes on record-breaking streak of 5 days without shootings on same week that Trump takes office https://t.co/4RoH3WIDnk pic.twitter.com/Bg7WlFa8e4
— Daily Mail Online (@MailOnline) January 24, 2025
И набргу по објавата на NYPD, на социјалните мрежи се појави вест дека „во Бруклин е застрелан маж“. Сепак, серија од 5 дена е сепак импресивна серија за Њујорк.
Органите за имиграција на Трамп уапсија повеќе од 1.300 илегални имигранти во првите денови од неговото претседателствување како дел од најголемата масовна депортација во историјата на САД, изјави новиот граничен шеф Том Хоман.
