Трамп не даде дополнителни детали за распоредот на Виткоф, кој во минатото имаше обемни разговори во Москва со рускиот претседател Владимир Путин.
Американскиот претседател му даде рок на Путин до 8 август да постигне договор за прекин на борбите во Украина и се закани дека ќе воведе економски санкции врз Русија ако тој не го стори тоа.
Тој вчера остро го критикуваше „одвратното“ однесување на Русија кон Украина и рече дека планира да воведе санкции врз Москва доколку не се постигне договор.
Американскиот претседател им рече на новинарите во Овалната соба на Белата куќа дека не е сигурен дали санкциите ќе ја одвратат Русија.
