Полицијата соопшти за сериозни безредија во градот, кој се наоѓа околу 45 километри од Белфаст, и ги повика граѓаните да го избегнуваат подрачјето.
Новинар на Ројтерс јави дека специјални единици со оклопни возила употребиле водени топови и гумени куршуми поради напади со Молотови коктели, градежни материјали и камења, пренесува БТА. Неколку возила беа запалени, а едно е пронајдено превртено во пламен.
🚨BREAKING: Protests Erupt for a second night in a row in Ballymena, Northern Ireland following the rape of a teenage girl by foreign migrants
— Inevitable West (@Inevitablewest) June 10, 2025
The UK has reached boiling point. pic.twitter.com/7rYzuYmAsN
Во првата ноќ од безредијата, во понеделникот, беа запалени четири куќи, а оштетени се прозорци и врати на домови и продавници. Полицијата го третира настанот како расно мотивирани злосторства од омраза.
Стотици демонстранти се собраа во Балимина откако двајца тинејџери беа изведени пред суд, обвинети за сексуално насилство врз тинејџерка од градот.
Весникот „Белфаст Телеграф“ јави дека обвиненијата биле преведени на романски, а и Би-Би-Си потврди дека обвинетите комуницирале преку судски преведувач. Во понеделникот беа повредени 15 полицајци, од кои неколку завршија во болница.
