Градоначалникот на Венеција, Луиџи Брунаро на Твитер објави дека полицијата трага по маж кој по боксерки скокнал од врвот на трикатница во еден од венецијанските канали.
Брунаро ветил дека ќе му даде „диплома за глупост“ на, како што тој го нарече „идиот“ за кој мислел дека е турист и дека ќе го удри неколку пати, пишува Си-Ен-Ен.
Тој изјави дека „идиотот“ кој скокнал и тој што го снимил ова видео ќе бидат уапсени. Градоначалникот на Венеција ги повика граѓаните да помогнат да се идентификуваат бараните лица и ги замоли да не го „лајкнуваат“ споменатото видео кое во меѓувреме стана вирално.
Минатата година, повеќе од 40 туристи беа уапсени за пливање во каналите во Венеција, а еден маж беше затворен поради обид да сурфа на каналот Гранд.
A questo “soggetto” bisognerebbe dargli un certificato di STUPIDITÀ e un bel sacco di pedate … stiamo cercando di identificarlo, per denunciarlo, Lui e il suo compare sotto che faceva il video cretino per i social .. pic.twitter.com/lrzaIzy516
— Luigi Brugnaro (@LuigiBrugnaro) March 24, 2023
