Телефонскиот повик е направен на барање на Доналд Трамп, соопшти агенцијата. Еј-Би-Си претходно денес, повикувајќи се на извори, објави дека двајцата лидери ќе одржат телефонски разговор.
Со месеци, Трамп сугерираше дека неговиот личен однос со кинескиот претседател Си Џинпинг би можел да биде клучот за решавање на најзначајниот трговски спор во светот, објави американската телевизиска мрежа.
Иако Трамп сака да ги примени своите тактики за склучување договори директно врз Си, неговиот модел на пазарење меѓу лидерите е целосно во спротивност со начинот на кој кинеските претставници пристапуваат кон глобалните преговори.
Трамп вчера изјави дека кинескиот претседател Си Џинпинг е „тежок преговарач“ и дека е „исклучително тешко да се склучи договор со него“.
Трамп вчера потпиша извршна наредба со која се зголемуваат царините за увоз на челик и алуминиум од 25 проценти на 50 проценти, со што стапува на сила на полноќ по локално време.
BREAKING: President Donald Trump spoke with Chinese leader Xi Jinping amid stalled negotiations over tariffs that have roiled global trade, Chinese state media says. https://t.co/W3bjSZ5NJ4
— The Associated Press (@AP) June 5, 2025
Кина е најголемиот производител и извозник на челик во светот и испорачува мали количини во Соединетите Држави откако беа воведени царини од 25 проценти во 2018 година. Кина е исто така трет по големина снабдувач на алуминиум во Соединетите Држави.
