Семејствата на 48-те заложници кои сè уште се во Газа синоќа се сртенаа со специјалниот пратеник на американскиот претседател Доналд Трамп, Стив Виткоф, и ќерката и зетот на Трамп, Иванка Трамп и Џеред Кушнер, и им се заблагодарија „за нивната клучна улога во обезбедувањето на историскиот договор за враќање на нивните најблиски дома“, се вели во соопштението на Форумот на семејствата на заложниците и исчезнатите лица.
Средбата се одржа пред митингот за заложниците што се одржа синоќа во Тел Авив, каде што тие се обратија пред толпата. Виткоф и Кушнер одиграа значајни улоги во посредувањето за договорот за примирје, со кој се очекува сите преживеани заложници и поголемиот дел од телата на останатите да бидат вратени до утре.
- За време на средбата, Виткоф ја истакна непоколебливата посветеност на Соединетите Држави на оваа мисија и продолжувањето на нивната работа без да се остави никој зад себе, се наведува во соопштението.
- Семејствата изразија длабока благодарност за постојаната поддршка и посветеност што ја покажува американската администрација, се додава во тесктот.
