Застрашувачкиот инцидент се случил во саботата попладне во близина на островот Кук Еспланаде во Австралија, објавува The Sun.
Момчето влегло во водата, а потоа...
Локалните медиуми објавуваат дека момчето влегло во водата на риболов и одеднаш станало плен на морскиот предатор.
Ајкулата го каснала и му нанела сериозни повреди на стомакот, односно на внатрешните органи. Неговите пријатели покажале извонредна храброст, бидејќи веднаш скокнале во водата и го извлекле.
На овој начин, според властите, го спасиле животот на тинејџерот.
„Овој настан е навистина трагичен. Нашите мисли и молитви се со момчето и неговото семејство. Целата заедница длабоко сочувствува со нив“, беше објавено.
„Безбедноста е приоритет“
По нападот, момчето било префрлено со хеликоптер во Универзитетската болница во Таунсвил, во северен Квинсленд, каде што бил итно опериран.
Властите не соопштија каков вид ајкула го нападнала, ниту дали е започната потрага по околните води. Граѓаните се предупредени да бидат внимателни.
„Безбедноста е приоритет и ги повикуваме сите да бидат свесни за ризиците што ги претставува водата“, се вели во соопштението.
