Седумнаесет лица се спасени, а потрагата по другите патници кои биле на кануто кое се движело кон шпанските Канарски острови продолжува, објави Би-Би-Си. .
Според преживеаните, бродот испловил од Гамбија шест дена пред несреќата што се случила во вторникот, превезувајќи околу 160 лица, главно државјани на Гамбија и Сенегал.
Опасното патување преку Атлантскиот Океан стана сè почеста рута за африканските мигранти кои се обидуваат да стигнат до Европа. Според проценките, лани речиси 47.000 луѓе успеале да стигнат до Канарските острови, а обидувајќи се, загинале повеќе од 9.000 мигранти.
