Според медиумите, овие пари требало да се искористат за изградба на првата турска нуклеарна централа „Акују“.
Како што е соопштено, Гаспромбанк требало да одобри заем од девет милијарди долари за изградба на нуклеарната централа: во текот на летото 2022 година, три милијарди долари биле префрлени на „сметката на нуклеарната централа во (турската државна банка) Зират“ преку американската Ситибанк, додека уште две милијарди долари префрлени преку JP Morgan.
Имено, следната исплата исто така требало да биде две милијарди долари, но таа е замрзната со одлука на американското Министерство за правда. Според пишувањата на медиумите, дел од тие пари можеле да одат на руски фирми кои имале сметки во „Зират“.
Минатата година американското Министерство за правда размислуваше да ја конфискува таа сума, но администрацијата на поранешниот американски претседател Џо Бајден одлучил да ги замрзне парите „за да не ја налути Турција“, пишуваат медиумите.
Нуклеарната централа Акују е првата нуклеарна централа во Турција, која ја гради руската државна корпорација Росатом. Проектот „Акуџу“ вклучува четири енергетски блокови со генерациски реактори VVER III+ од руски дизајн, секој со моќност од 1.200 мегавати.
Според одредбите на меѓудржавниот договор, првиот блок на нуклеарната централа треба да биде пуштен во употреба во рок од седум години по добивањето на сите дозволи. Со оглед на тоа што дозволата за изградба на првиот блок е добиена во 2018 година, рокот за негово пуштање во употреба е 2025 година.
