Иран, сепак, никогаш нема да се согласи на разговори со цел да се откаже од својата нуклеарна програма за мирољубиви цели, објави мисијата на својот профил на социјалните мрежи X.
If the objective of negotiations is to address concerns vis-à-vis any potential militarization of Iran’s nuclear program, such discussions may be subject to consideration. However, should the aim be the dismantlement of Iran’s peaceful nuclear program to claim that what Obama…
— I.R.IRAN Mission to UN, NY (@Iran_UN) March 9, 2025
Врховниот лидер на Иран, ајатолахот Али Хамнеи, во саботата изјави дека Техеран нема да биде вовлечен во преговори со „насилните влади“, еден ден откако американскиот претседател Доналд Трамп рече дека испратил писмо до највисокото иранско раководство во кое повикува на разговори за нуклеарен договор.
На состанокот со високи ирански претставници, Хамнеи рече дека понудата на Вашингтон за продолжување на разговорите има за цел „да ги наметне сопствените очекувања“, објави Ројтерс, цитирајќи ги иранските државни медиуми.
„Некои угнетувачки влади инсистираат на преговори да не ги решаваат прашањата, туку да доминираат и да ги наметнат сопствените очекувања. Овде не се работи само за иранското нуклеарно прашање. Иран сигурно нема да ги прифати нивните очекувања“, рече Хамнеи.
