Партијата „Чадор за демократски промени“ на опозициската кандидатка Дума Боко е прогласена за победник на парламентарните избори денеска, победувајќи ја Демократската партија на актуелниот претседател Мокгвеци Масиси, во сеизмичка промена што стави крај на неговото 58-годишно владеење во Боцвана.
Масиси го призна поразот уште пред да бидат објавени конечните резултати, а неговата Демократска партија во Боцвана заврши на четвртото место на парламентарните избори, во нешто што изгледало како понижувачко отфрлање од гласачите и убедлива победа за главната опозициска партија, објави АП.
Неколку часа подоцна, судијата на Врховниот суд, Теренс Ранован, објави дека опозициската партија „Чадор за демократски промени“ освоила мнозинство места во парламентот на изборите, со што нејзиниот кандидат Дума Боко стана следниот претседател на јужноафриканската земја, која е една од најголемите светски производители на дијаманти.
Масиси рече дека му се јавил на Боко за да го извести дека го признава поразот.
Конечните изборни резултати допрва треба да бидат официјално објавени.
