Во рафинеријата во Славјанск, која беше цел на напади од Киев повеќепати откако Русија ја нападна Украина во 2022 година, нема извештаи за жртви.
Две лица се повредени, неколку приватни куќи се оштетени, а мрежите за снабдување со електрична енергија се погодени откако остатоци од дрон паднале во други станбени области на Краснодар, соопшти претходно денеска оперативниот штаб на регионот на Телеграм.
Краснодар, сместен на Црното Море, претставува голем енергетски и извозен центар за Русија, каде што се наоѓа клучна нафтена инфраструктура, вклучувајќи го пристаништето Новоросијск и блиските терминали, како и рафинеријата во Туапсе и извозните капацитети.
Украина соопшти дека нападите врз руската енергетска инфраструктура се насочени кон попречување на снабдувањето со гориво на руската војска и намалување на приходите од извозот на нафта, кои помагаат во финансирањето на воените напори на Москва во Украина.
