Но, тоа не е сѐ што направи и зошто го заслужи неговиот потег да стане хит на денот.
Трудо, додека го напушташе Долниот дом со фотелја во рацете, го испружи јазикот и широко се насмевна, како да сакаше да каже: „Не се откажувам од фотелјата!“
Се разбира, тој не мислеше така, бидејќи на 6 јануари најави оставка како лидер на Либералната партија.
Инаку, вчера, по убедливата победа, него го наследи Марк Карни, кој ќе биде и идниот премиер на Канада, пишува индискиот весник The Tribune.
Иако виралната сцена ја забавуваше јавноста, таа означи и значајна политичка промена во Канада, бидејќи Карни го презеде раководството на партијата по долгиот мандат на Трудо.
Официјалната оставка на Трудо го означи крајот на неговото време како премиер и пратеник, а носењето на фотелјата беше повеќе дел од традицијата отколку каков било вид на протест.
Карни се состана со Трудо и рече дека формалното предавање на власта ќе биде брзо. Трудо останува премиер додека Карни официјално не ја преземе функцијата.
Во меѓувреме, пред објавувањето на неговиот наследник, Трудо ги истакна достигнувањата на Либералната партија во изминатата деценија, истовремено гледајќи кон иднината.
Зборувајќи на конвенцијата на Либералната партија, Трудо изјави: „Проклето сум горд на она што го направивме во изминатите 10 години за средната класа и луѓето кои напорно работат за да ѝ се придружат“.
Додека Либералната партија влегува во нова ера, Трудо им рече на толпата дека „имаат одговорност да обезбедат Канада да остане најдобрата земја во светот“.
