Инцидентот се случил во петокот во Лонгшенг, во провинцијата Гуангкси. Претходно овој месец, четири лица загинаа во регионот по обилни дождови.
Временските прогнози за јужна Кина предвидуваат дека најсилните врнежи годинава допрва треба да го погодат регионот, пренесе ДПА.
Метеоролошката служба ги повика жителите во делови од провинциите Гуангкси, Гуангдонг, Џиангкси, Хунан и Фуџијан да бидат особено внимателни од вторник до четврток.
Властите исто така издадоа предупредување за југозападната провинција Гуижоу, каде што минатата недела најмалку четири лица загинаа во лизгање на земјиште во селата Чангши и Гуова.
