Тој изјавата ја даде за време на посетата на Токио, чија цел е зајакнување на безбедносната соработка и обезбедување нови јапонски инвестиции во Индија.
- Партнерството меѓу Индија и Јапонија е стратешко и разумно. Водени од економската логика, ги трансформиравме нашите заеднички интереси во заеднички просперитет, рече Моди на економски форум.
Тој оцени дека Индија е „отскочна даска“ за јапонските компании кон глобалниот Југ.
Според медиумските извештаи, Токио ќе најави инвестиции во Индија вредни 68 милијарди долари.
Посетата е дел од поширока турнеја на Моди, кој од Јапонија ќе отпатува во Кина на самитот на Шангајската организација за соработка, каде ќе присуствуваат и кинескиот претседател Си Џинпинг и рускиот лидер Владимир Путин. Ова е прва посета на Моди на Кина од 2018 година.
