Милијардерот Илон Маск официјално ја напушта својата позиција во Одделот за владина ефикасност (DOGE) во администрацијата на американскиот претседател Доналд Трамп.
Маск на социјалните мрежи објави за заминувањето, заблагодарувајќи му се на Трамп за добиената шанса да влијае за намалување на непотребното трошење државни пари.
Мандатот на Маск како специјален вработен е завршен бидејќи истиот требаше да трае 130 дена од стапување на функцијата.
Маск вели дека е разочаран од големите владини расходи и бирократијата која на начекал.
„Искрено сум разочаран од огромните трошоци во законот, кои не само што не го намалуваат, туку го зголемуваат дефицитот и ги поткопуваат напорите на мојот тим во DOGE“, изјави Маск за CBS.
Заминувањето на Маск беше потврдено и од Белата куќа, со напомена дека процесот на негово разрешување ќе започне веднаш.
Во интервју за „Вашингтон пост“, тој истакна дека предизвиците за надминување на федералната бирократија се многу поголеми отколку што очекуваше.
Маск беше најголемиот донатор на претседателските избори во 2024 година, со инвестиција од најмалку 288 милиони долари. Иако се очекуваше да продолжи со својот ангажман во последователните изборни циклуси, сега е неизвесно како неговите односи со Вашингтон ќе се развиваат понатаму.
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
— Elon Musk (@elonmusk) May 29, 2025
The @DOGE mission will only strengthen over time as it becomes a way of life throughout the government.
