Најмалку три лица, вклучувајќи и еден обезбедувач, се убиени во пукотница во џамијата во Исламски центар во Сан Диего, во американската држава Калифорнија, а двајца тинејџери, на возраст од 17 и 19 години, кои беа осомничени за нападот, извршиле самоубиство неколку блока од местото на злосторството, пренесуваат американските медиуми.
„Немаше конкретна закана насочена кон Исламскиот центар во Сан Диего, но властите пронајдоа докази дека осомничените користеле говор на омраза“, рече началникот на полицијата во Сан Диего, Скот Вол, но одби да даде дополнителни детали, според АП.
Пред нападот, полицајците веќе бараа еден од тинејџерите, бидејќи неговата мајка се јавила во полицијата загрижена дека нејзиниот син има самоубиствени намери.
JUST IN: Police say three adults were killed at the Islamic Center, bringing the total number of fatalities to five.
— Donald J Trump Posts TruthSocial (@TruthTrumpPost) May 18, 2026
Law enforcement sources tell NBC News that two suspects were also shot and killed at the Islamic Center of San Diego in California. Multiple others were reported… pic.twitter.com/LbY50vq3XF
Додека полицајците продолжувале да ја испрашуваат мајката за тоа каде би можеле да бидат тинејџерите, стигнале извештаи за пукање во џамијата. Меѓу убиените бил и чувар на џамијата, за кого полицијата верува дека одиграл клучна улога во спречувањето на напаѓачите да извршат многу полошо злосторство.
