Насилни албански криминалци со комбиња ги изнесуваат од Велика Британија заработените валкани пари , купуваат „ролекси“ на курири кои се преправаат дека се лажни туристи и ги префрлаат парите во Албанија, за да ги искористат за луксузен живот, објавија албанските медиуми повикувајќи на написи во британски „Дејли мејл“.
Весникот пишува дека на крајот на минатата година во затворите во Велика Британија имало 1.099 Албанци, меѓу кои и осудени за убиство, силување, перење пари, шверц на луѓе и лидери во балканската мафија.
-Според информациите на Националната агенција за криминал (НЦА), албанските банди кои дојдоа во Велика Британија за да ја преземат контролата врз британската трговија со дрога го направија тоа со директно преговарање со колумбиските картели и поткопување на криминалните ривали за да ги преплават британските улици со евтин кокаин, додава весникот.
НЦА минатата година склучи договор со албанското Специјално обвинителство против корупција и организиран криминал(СПАК), со цел да се спречи трансфер на пари во Албанија, добиени од криминал и да врши истрага околу имотот на Албанците осудени во Велика Британија.
Во 2010 година, само 1,5 отсто од странските државјани затворени во Англија и Велс беа Албанци, но на крајот на 2024 година, Албанците се 10,6 отсто од затворениците, повеќе од која било друга странска националност. /МИА
