Официјалниот портрет објавен од Белата куќа го заменува оној што тогашниот новоизбраниот претседател Трамп го објави три дена пред неговата инаугурација, објави Дејлимејл.
Тој претходен портрет привлече внимание поради неговата впечатлива сличност со полициската фотографија од Трамп, која е направена во затворот во округот Фултон за време на неговата претседателска кампања, откако беше обвинет за заговор за поништување на резултатите од изборите во таа држава.
Судијата на Вишиот суд на округот Фултон, Скот Мекфи, подоцна отфрли неколку обвиненија, а случајот стигна до ќорсокак.
White House reveals brand new official Trump portrait with very telling detail https://t.co/MlX8K2Y8VU
— Daily Mail (@DailyMail) June 2, 2025
Белата куќа објави нова официјална верзија во форма на видео клип, на кој се гледа како помошник го закачува портретот на ѕид. Снимката е објавена на платформата X. На сликата, Трамп гледа право напред и жмирка, облечен во светло син костум и со значка на американското знаме на реверот.
NEW OFFICIAL PRESIDENTIAL PORTRAIT JUST DROPPED 🔥🇺🇸 pic.twitter.com/mmDIGRRJNi
— The White House (@WhiteHouse) June 2, 2025
Во споредба со претходниот портрет, новата верзија покажува мало омекнување на изразот. На старата фотографија, Трамп крева веѓа и изгледа намрштено. Портретот беше објавен откако тој повторно ја презеде Белата куќа, среде реторика за „лов на вештерки“ и два обиди за атентат.
Портретот сега виси во владини згради низ САД. Експертите веднаш ги посочија очигледните знаци на дигитална манипулација, вклучувајќи ги и измените што би можеле да ја сокријат опуштената кожа под неговата брада.
Трамп, кој има 78 години, придава големо значење на физичката сила и неодамна го нарече поранешниот претседател Џо Бајден „распаѓачки труп“.
Новиот портрет покажува темни кругови под очите на Трамп, детаљ што беше целосно отсутен од портретот од јануари, кој имаше поизразено осветлување и контраст. Претходниот портрет го направи главниот официјален фотограф на Белата куќа, Даниел Торок.
„Никој не сака лоша фотографија или слика од себе“, напиша Трамп на Truth Social во врска со претходниот портрет.
