Иран сè уште не им дал дозвола на инспекторите на Меѓународната агенција за атомска енергија (МААЕ) да ги посетат нуклеарните постројки, и покрај договорот за продолжување на соработката, изјави денеска министерот за надворешни работи на Исламската Република, Абас Аракчи.
Претходно беше објавено дека Аракчи и генералниот директор на МААЕ потпишале договор за продолжување на соработката што беше прекината по израелските и американските напади врз Иран.
- Морам да напоменам дека според овој договор, во моментов не им даваме пристап на инспекторите на МААЕ, рече Аракчи, чиј коментар беше објавен на неговиот канал на Телеграм, пренесува агенцијата Исна.
