Според снимките објавени на иранската државна телевизија Хамнеи ги поздравуваше верниците во џамијата имам Хомеини, кои ја одбележуваа годишнината од мачеништво на имамот Хусеин, важен датум за шиитските муслимани.
Верниците скандираа „Крвта од нашите вени за нашиот водач!“
Откако Израел на 13 јуни го нападна Иран, ајатолахот Хамнеи поради безбедносни причини не се појавуваше во јавност, а неговите пораки објавувани на државната телевизија беа однапред снимени. Тој, преку снимена порака им се обрати на Иранците на 26 јуни, истакнувајќи оти Техеран нема да се предаде и покрај повиците на американскиот претседател.
Во израелските напади загинаа клучни команданти на вооружените сили, меѓу кои и членови на Револуционерната гарда, како и десетина научници од нуклеарната програма на Иран. Официјален Техеран тврди дека во 12-дневната загинале најмалку 936 луѓе.
Додека израелските власти соопштија дека при иранските напади загинале 28 лица.
