„Во 2011 година, осудениот се приклучи на вооружената милиција на Хезболах, која се бореше на страната на диктаторот Башар ал-Асад во сириската граѓанска војна“, се вели во образложението на пресудата. Како што е наведено понатаму, оваа вооружена група била задолжена за замолкнување на протестите насочени против ал-Асад.
Во таа пригода, илјадници демонстранти биле уапсени и мачени, а неодреден број од нив биле убиени.
Неколку сириски криминалци веќе се осудени во Германија
Неговата единица, која била под директна команда на Хезболах, систематски ограбувала и тероризирала сунитско население на југот на Сирија. Во неколку конкретни случаи, беше докажано дека единицата на осудениот Сириец убила неколку помлади мажи на возраст од 21 до 27 години.
Судењето, кое започна во октомври минатата година, содржеше сведочења на бројни Сиријци за злосторства, наводно повеќе од триесет сведоци, кои допатувале од многу земји за таа пригода.
Пред неколку години, германското судство исто така се прогласи за надлежно за злосторства извршени во Сирија, и оттогаш се осудени неколку сторители кои живеат во Германија. Повеќето Сиријци кои живеат во Германија пристигнаа во земјата за време на миграцискиот бран 2015/2016 година.
