Во меч од 33.коло во Ла Лига, вечерва на “Местаља“, домашната Валенсија одигра без победник, 1:1 против составот на Еспањол.
Ништо ново кога станува збор за македонскиот голман Столе Димитриевски, кој и натаму е во сенка на Грузиециот Гиорги Мамардашвили, па така и на овој меч нашиот Столе преседе на клупата.
Интересно, гостите од Барселона први дојдоа во водство со голот на Пуадо во 40.минута. Во продолжение од средбата домашните беа подобри, создаваа шанси, а израмнувачкиот погодок беше дело на Гуера во 57.минута.
Валенсија до крајот на средбата посакуваше победа, тргна во офанзива, но сепак на крајот мораше да се задоволи само со бод.
