Екипата на Штутгарт ја забележа четвртата победа во петтиот меч во Бундес лигата, а вечерва на домашен терен го совлада Дармштат со 3:1. „Швабите“ имаат само еден пораз од РБ Лајпциг, а другите им се победи.
Гостите поведоа со автогол на Загаду, но Штутгарт бргу ја исправи грешката. Со головите на Милот и Ѓираси го свртеја резултатот. Во второто полувреме победата ја запечати Ѓираси со својот втор гол на мечот.
Штутгарт идното коло игра со Келн, а Дармштат, кој е последен на табелата, игра со Вердер.
