Вчера во дербито во Премиерлигата, Манчестер Јунајтед и Манчестер Сити одиграа 0:0. Освоија по бод, но со играта просто разочараа. Сити по обичај имаше поголем посед, но Јунајтед имаше неколку опасни закани и се чини дека беше поблиску до победата.
Тоа го мисли и стратегот на Манчестер Јунајтед, Рубен Аморим кој по мечот истакна:
“Мислам дека можевме да го добиеме овој натпревар. Се виде дека имавме свои шанси за гол, за победа. Се браневме со ниска блокада, а се обидувавме од контранапади да дојдеме до гол. На тој начин го притискавме Сити на негова половина, а создадовме и неколку шанси. Јасно е дека беме поблиску до гол, бевме поблиску до победа на овој натпревар. Сепак ќе го прифатиме ова реми“ рече покрај другото Португалецот.
