Американците ќе понудат покриени стадиони за Светското првенство во 2026 година поради поплаки за високите температури на годинешното издание на светското клупско првенство на ФИФА. Ова го изјави претседателот на ФИФА, Џани Инфантино.
Повеќето од натпреварите на Светското првенство во 2026 година ќе се одржат на затворени стадиони со климатизација за да се намали влијанието на топлината и временските услови.
„Секоја критика е можност за нас да ја проучиме ситуацијата и да размислиме како да се подобриме. Секако, топлината е проблем. Минатата година на Олимписките игри во Париз, сите спортови се одржуваа во многу топли услови во текот на денот. Паузите за разладување се многу важни и ќе видиме што можеме да направиме. Но, имаме стадиони со покриви и дефинитивно ќе ги користиме за дневните натпревари следната година“, рече Инфантино.
