Виктор Осимен слета во Истанбул, беше пречекан на аеродромот од илјадници навивачи на Галатасарај. Тој дојде за да ги заврши последните формалности за неговиот трансфер во турскиот тим.
Нигерискиот репрезентативец, кој ја помина сезоната 2024-25 на позајмица во Галатасарај, се враќа трајно за надомест од 75 милиони евра. Наполи ќе добие 40 милиони евра однапред, а преостанатите 35 милиони евра до крајот на 2026 година. 26-годишникот ќе помине медицински прегледи и денеска ќе го потпише договорот.
„Не знам како да го опишам ова чувство. Прекрасно е чувството да се вратам. Погледнете ја публиката, погледнете ги луѓето што го следеа мојот лет. Дома сум, ова е местото каде што сакам да бидам. Среќен сум што сум тука, што сум назад таму каде што се чувствувам како дома. Приказната продолжува и среќен сум што продолжувам со Галатасарај“, рече Осимхен.
🚨🇳🇬 Victor Osimhen (26) arrives in Istanbul to permanently sign for Galatasaray! 🟡🔴 pic.twitter.com/jOK5GC8t8M
— EuroFoot (@eurofootcom) July 30, 2025
