Само две недели по завршувањето на сезоната и обезбедувањето на опстанокот на Сантос во елитните редови на бразилскиот фудбал, Нејмар беше опериран на менискусот на левото колено, откако ги играше последните натпревари повреден.
Зафатот траеше околу час и половина, а го изврши д-р Родриго Лазмар, доктор на бразилската репрезентација, во болницата „Матер Деи“ во Бело Хоризонте, објави клубот. Бразилецот ја помина ноќта во болницата и, според медиумите, а утредента требаше да биде пуштен. Според „Глобо Еспорте“, неговото закрепнување ќе трае околу еден месец, порано од очекуваното, и тој треба да биде подготвен за официјални натпревари на почетокот на февруари 2026 година. Главната цел на напаѓачот за следната година е да биде поканет од селекторот на Бразил, Карло Анчелоти, на Светското првенство во 2026 година, но за тоа мора да биде целосно физички подготвен. Неколку дена пред крајот на годината и истекот на неговиот договор со Сантос, Нејмар сè уште не ги открил своите планови за клубот кој се смета за негов матичен, но се очекува наскоро да го стори тоа и да потпише нов договор од најмалку шест месеци, кој ќе заврши во времето на почетокот на Светското првенство.
sportmedia.mk
