Сензационален потег на Енцо Мареска, откако доби отказ од Челзи. 45-годишниот Италијанец си замина од „Стемфорд Бриџ“ на првиот ден од новата година по непоправлив јаз во неговите односи со одборот на клубот. И покрај горчливата разделба, која го натера да се чувствува неспособен да остане во југозападен Лондон, Мареска не побара потенцијален пакет компензација вреден околу 14 милиони фунти. Тој потпиша петгодишен договор со опција за дополнителни 12 месеци вреден околу 4 милиони фунти по сезона кога се приклучи од Лестер во 2024 година. Бидејќи замина по само 18 месеци, ова значи дека потенцијалните 14 милиони фунти останаа неплатени.
Неговото заминување доаѓа помалку од пет месеци откако го додаде трофејот од Светското клупско првенство на ФИФА на својот успех во Конференциската лига. Мареска се чувствуваше толку лут од начинот на кој беше поткопан од хиерархијата на “Стемфорд Бриџ“ што одлучи да замине без да разговара за условите. Како одговор, Челзи го обвини за „емоционална незрелост“.
Тврдењата дека се обидел да го искористи интересот од Јувентус и Манчестер Сити за да посредува во нов договор беа жестоко демантирани од неговиот табор.
sportmedia.mk
