Англискиот шампион Манчестер Сити го фати последниот воз за место во 1/16-финалето во Лигата на шампионите, откако вечерва со пресврт во второто полувреме славеше со 3:1 над Бриж и успеа да се протне меѓу екипите од 9. до 24. место на финалната табела во Лигата на шампионите. Момците на Пеп Гвардиола ги шокираа навивачите откако губеа со 0:1 по првото полувреме, но од стартот на второто со головите на Ковачиќ, Ордоњез (аг) и Савињо успеа да се освестат и да дојдат до посакуваната победа со која продолжуваат во ЛШ.
Таа радост не ја доживеаја фановите на Динамо (З) кои вечерва се надминаа и успеаја да го совладаат Милан со 2:1, но само поради подобрата гол разлика на конкурентите (Манчестер Сити, Бриж и Спортинг) не успеаја да влезат меѓу екипите кои одат во 1/16-финалето.
Спортинг вечерва успеа да се извлече со реми на домашен терен против Болоња и со тој бод да обезбеди место во елиминациската фаза. Болоња долго водеше во Лисабон со 1:0, но за домаќините среќен беше Хардер кој израмни во 77. минута.
Директно во осминафинале оди и Интер кој со хет-трик на Лаутаро славеше со 3:0 против Монако, таму ќе биде и Астон Вила по победата од 4:2 над Селтик, Арсенал по победата од 1:2 кај Џирона, па и Лил кој го прегази Феенорд со 6:1.
ПСЖ го торпедираше Штутгарт со 1:4 на гости и со тоа ги исфрли Германците од елиминациите во ЛШ. Победа за простување од ЛШ и за Црвена Звезда која со 0:1 славеше најд Јанг Бојс на гостински терен.
ЛИГА НА ШАМПИОНИ – 8 КОЛО
Астон Вила – Селтик 4:2
Барселона – Аталанта 2:2
Баер (Л) – Спарта Прага 2:0
Баерн (М) – Слован Б. 3:1
Брест – Реал Мадрид 0:3
Динамо З. – Милан 2:1
Борусија Д. – Шахтјор 3:1
Џирона – Арсенал 1:2
Интер – Монако 3:0
Јувентус – Бенфика 0:2
Лил – Феенорд 6:1
Манчестер С. – Бриж 3:1
ПСВ – Ливерпул 3:2
Салцбург – Атлетико М. 1:4
Спортинг – Болоња 1:1
Штурм – РБ Лајпциг 1:0
Штутгарт – ПСЖ 1:4
Јанг Бојс – Црвена Звезда 0:1
