Менаџментот на Јувентус најде решение како да се ослободи од долговите кои што ги имаше кон сега веќе поранешниот тренер, Игор Тудор. Хрватот беше отпуштен, но секако дека имаше актуелен договор кој што беше важечки до 2027 година, па двете страни извесен период бараа решение како да се стави крај на тоа.
Медиумите во Италија денеска објавија дека Јувентус и Тудор нашле заеднички јазик и договорот е раскинат. А колку Игор Тудор добил за да го потпише тој раскин засега е непознато.
Тудор сега е слободен да потпише за кој било клуб надвор од Италија. Според правилата на локалната федерација, нему не му е дозволено да преземе друг тим од Серија А во текот на тековната сезона 2025-26.
