Синоќа тимот на Ливерпул испадна од годинешната Лига на Шампиони по домашната елиминација од ПСЖ. Да биде ситуацијата уште потешка за сите во и околу клубот, стандардниот и незаменлив Тренд Александер Арнолд се повреди.
Информациите утринава се дека тој тешко ќе се опорави од повредата на зглобот, и дека најверојатно нема да биде во можност да му помогне на тимот следниот викенд кога е закажано финалето од Карабао Купот против Њукасл.
Александер Арнолд можеби нема да биде во состојба да настапи ниту за репрезентацијата на Англија која што се среќава со Албанија и Летонија во овој квалификациски прозорец.
