Според достапните податоци, облакот од вулканска пепел се издигнал до 2.000 метри над кратерот, односно до 5.676 метри надморска височина, и се движи во источен и југоисточен правец.
Локалните власти ги повикаа жителите да бидат внимателни и да не се приближуваат до кратерот во радиус од пет километри, поради опасност од исфрлање на жешки камења и вулкански материјал.
Семеру е четвртиот највисок вулкан во Индонезија, со височина од 3.676 метри над морското ниво, и воедно највисокиот врв на островот Јава.
Индонезија, најголемиот архипелаг во светот со околу 18.000 острови, се наоѓа во таканаречениот Тихоокеански Огнен прстен, поради што регионот е подложен на силна сеизмичка и вулканска активност. Во земјата има повеќе од 500 вулкани, од кои околу 130 се активни.
