Инцидентот наводно се случил кон крајот на 2019 година во спална соба на горниот кат од главната куќа на семејството Шумахер каде што обвинетиот, близок пријател на синот на Шумахер, Мик, престојувал во тоа време.
Жртвата, медицинска сестра во триесеттите години, била дел од тимот што му пружал медицинска нега на сериозно повредениот Михаел Шумахер. Големиот шампион заработи сериозна повреда на главата при пад на скијање на Француските Алпи во Мерибел во 2013 година.
Семејството Шумахер, иако е сопственик на имотот, не е вклучено на никаков начин во истрагата, ниту е покането да коментира за случајот.
Според обвинителите, ниту еден од членовите на семејството не бил присутен во времето на наводниот напад и инцидент.
Според обвинението, по долгата смена, жртвата(медицинска сестра) играла билијард со колегите и обвинетиот, а вечерната коктел забава завршила со нејзино онесвестување поради прекумерна консумација на алкохол.
Нејзините колеги и обвинетиот ја однеле во собата за персоналот, каде што била легната на кревет
. Сепак, според обвинителството, осомничениот подоцна се вратил во собата и заспаната медицинска сестра сексуално ја нападнал - наводно двапати - додека била во несвест.
Следниот ден, збунета и мамурна, жената не се сеќавала на инцидентот, но физичките докази предизвикале сомнежи.
Во пораките што ги разменила со осомничениот, таа ја изразила своите загрижености и го замолила никогаш повеќе да не ѝ се обраќа.
Во тоа време, таа не сакала да го вознемири семејството Шумахер, плашејќи се дека може да ја загуби работата. Сепак, во јануари 2022 година, две години по инцидентот, таа поднела кривична пријава. Одлуката да проговори, вели таа, дошла откако била отпуштена - веднаш откако осомничениот се вратил на имотот.
Судењето е закажано за среда, но може да биде одложено. Според локалните медиуми, обвинетиот, кој претходно соработувал со истрагата и еднаш допатувал од Австралија на испрашување, не проговорил со месеци.
Тој тврди дека врската била консензуална, тврдење што жртвата категорично го негира.
Инаку, обвинетиот, поранешен возач на тркачки автомобили кој се обидел неколку пати да изгради кариера во Формула 1, моментално е суспендиран поради допинг и е практично непознат за јавноста.
