Палентата е совршен оброк за појадок, бидејќи е лесна, ви дава сила и чувство на ситост за остатокот од напорниот ден. Иако некогаш често беше на маса, сега е малку заборавена, но никогаш не е доцна повторно да ја вклучите во вашето мени.
Претставува многу здрава храна која се прави од пченкарно брашно, а можете да ја најдете во кеси и разни пакувања, а се подготвува на безброј начини.
Пченкарното брашно или гризот многу позитивно влијае на општото здравје на луѓето. Палента не содржи глутен, па затоа е погодна за сите оние кои се чувствителни на глутен, заситува и се препорачува за сите возрасти.
Содржи природни масти, односно каротеноиди, а овие здрави масти се одговорни за подобро функционирање на нашите црева. Пченката содржи и големи количини на фосфор, магнезиум, цинк, калиум, бакар, селен и манган.
Благодарение на пченката, палентата има многу малку калории, што ја прави идеален оброк за слабеење. Таа е една од најдобрите и најефикасните намирници кои се препорачуваат за консумирање, бидејќи се подготвува брзо и лесно, вкусот и е многу благ и пријатен, заситува, а не создава чувство на тежина во стомакот.
Палентата треба да ја консумираме барем еднаш неделно, бидејќи ги чисти цревата и го забрзува метаболизмот, а сосема е непотребно да ви кажеме колку е поздрав избор од пекарницата. Покрај тоа, потребни се само 5 минути за да се подготви.
За една порција зовријте 2 дл вода, додадете една лажица сол и една лажица маснотии или масло. Кога водата ќе зоврие тргнете ја од оган и додадете две и пол лажици палента. Се меша на тивок оган две до три минути. Во палентата можете да додадете сирење, павлака, лен, сончоглед, ајвар, а одозгора можете да ја прелиете и со топло млеко.
<b>Совет: </b>При мешање се препорачува употреба на дрвена лажица поради самата оксидација која може да настане при употреба на метална лажица.