Откако многу корисници пријавија промени во нивните гради, задник, интимните области, па дури и на рацете, сега се жалат на феномен наречен Оземпик врат.
Терминот „Оземпик врат“ е смислен со цел да ја опише појавата на вишок, опуштена кожа на вратот што ве прави да изгледате постари. Healthline објаснува: „Ова може да се случи затоа што помалку маснотии во вратот предизвикуваат кожата да стане полабава, придонесувајќи за постар изглед“. Експертите од индустријата велат дека луѓето кои користат лекови за слабеење се „сè повеќе загрижени“ за ефектот на оваа појава врз нивниот изглед.
Експертите: Тоа е реакцијата на кожата пораду губењето маснотии
Според д-р Ема Гулдинг, тоа се случува затоа што вратот има „многу потенка кожа, помало производство на масти и помалку потпорно ткиво од лицето“. Оваа докторка за Дејли Меил изјави: „Кога масното ткиво брзо се губи, особено во средни години и нешто подоцна, кожата често не може да се врати така лесно во првобитната состојба“. Таа додаде: „Оземпик вратот е всушност реакција на кожата поради брзото губење на тежината во комбинација со возраста, што предизвикува намалена еластичност. Тогаш почнуваат да се појавуваат фини линии, брчки и опуштеност.“
Д-р Викторија Менинг, исто така, ја појаснува оваа појава. „Кога ќе изгубите значителна тежина, одеднаш се појавува дефиниција таму каде што претходно немало, но со тоа доаѓа и лабава, збрчкана кожа за која луѓето не биле подготвени. Вратот стана една од најпредизвикувачките подрачја што се третираат бидејќи кожата таму е толку деликатна и склона кон опуштање“, рече таа. Лондонскиот пластичен хирург Пол Тали потврдува дека „сè поголем број пациенти во нивните 20-ти и 30-ти години се сè позагрижени за изгледот на нивниот врат“.
Дали постојат решенија?
Добрата вест, вели д-р Гулдинг, е дека третманите за нега на кожата што го стимулираат производството на колаген можат „значително да ја подобрат цврстината и текстурата“ на кожата. Д-р Ед Робинсон, исто така, понуди совет како да се избегне Оземпик вратот, сугерирајќи побавно и постепено губење на тежината. „Ако губењето на тежината е многу брзо, контракцијата на кожата често заостанува. Ако губите тежина побавно, вашиот врат ќе изгледа подобро“, изјави тој.
Тој, исто така, препорачува промени во навиките: „Земете ги предвид вашите животни навики, дајте им предност на протеините во исхраната бидејќи тие ја поддржуваат чистата мускулна маса и градежните блокови на кожата. Тренингот со отпор, исто така, помага во зачувувањето на мускулната маса, што го намалува целокупниот „издишан“ изглед. Задолжително, секој ден користете крема со заштитен фактор 50 на вратот - повеќето луѓе го пропуштаат ова подрачје!“
