Се ближи и крајот на емитувањето на ова шоу на Youtube каналот на телевизија Канал 5, а седмата епизода ни носи многу возбудливи моменти кои задолжително мора да ги погледнете, ако сè уште не сте!
Фото: Коктел Мастер - Бадел Мастерклас
Две задачи – една „детокс“, друга алкохолна
Натпреварувачите кои се натпреваруваа во оваа епизода се најдоа меѓу најдобрите десет, а атмосферата станува сè пожешка.
Задачата беше поделена на два дела – секој од учесниците одбираше реден број, а под тој број се криеше овошје поставено пред жирито. Тоа овошје требаше да биде основа за безалкохолен коктел.
Во вториот дел од задачата, натпреварувачите мораа да смислат како да го искористат преостанатото овошје за да подготват втор коктел – овој пат алкохолен.
Фото: Коктел Мастер - Бадел Мастерклас
10 минути за подготовка, 15 за изработка
„Ананасот е клише состојка“, рече Вања Головски, а еден од судиите му рече дека е храбар што го одбрал.
„Кога смислувам коктел, тоа во суштина изгледа доста хаотично. Се надевам дека тоа не се слуша надвор“, рече Томислав Станчиќ.
„Сите рецепти ги смислуваме на лице место. Кога ќе застанеш пред таа полица, гледаш што можеш да одбереш – и тоа е тоа“, изјави Давид Давидовиќ.
„Ги пребројав состојките неколку пати. Не знам што ми беше, само да не испаднам по некоја глупава причина. Повеќе сакам да погодам некоја точка, да инспирирам“, додаде Вања Головски.
Давид призна дека неочекувано го фатила трема
Понатамошните кадри ни покажаа како жирито реагираше на подготвените коктели, а слушнавме и дека некои од натпреварувачите имаат амбиции да стигнат до топ 5.
Кога дојде моментот да се изберат оние што ќе продолжат понатаму, Давид рече дека го фатила трема, но тој и Бобан имаа најдобри коктели и директно се пласираа во следниот круг.
Кога Томислав, Јосип и Давид застанаа пред жирито, беше објавено дека двајца ќе си одат, а еден ќе остане.
Тогаш се огласи Филип: „Добредојдовте во патна рунда“ – никој не го очекуваше ова, бидејќи значеше дека тројцата ќе се натпреваруваат еден против друг.
„Сакаме за што пократко време да направите три класични коктели – Негрони, Космополитен и Мохито Кубана. Еден од вас ќе се спаси“, додаде Тијана Клајн.
По тензијата и забрзаниот ритам на крајот, Томислав продолжи понатаму, а Јосип и Давид го напуштија натпреварот.
