Француската прва дама е позната како жена со софистициран и отмен стил, а за вечерашната гала вечера во Елисејската палата избрала едно од најубавите изданија до сега.
Францускиот претседател Мануел Макрон и неговата сопруга Брижит синоќа беа домаќини на претседателот на Нигерија Бола Тинубу и првата дама Олуреми Тинубу во Елисејската палата и тоа беше навистина посебна вечер.
На гала вечерата присуствувале многу истакнати гости, а се било придружено со врвна елеганција, за која првата дама на Франција, Брижит Макрон и тоа како била подготвена. Позната по нејзиниот суптилен стил, во кој ништо не е премногу, таа уште еднаш покажала класичен француски шик, овој пат во хипнотизирачка црна тоалета која зрачи со софистицираност.
Изборот на г-ѓа Макрон беше долг црн фустан со шлиц од страна, модел со затворена јака и долги ракави кои го истакнуваа струкот благодарение на дискретните панделки врзани во машна.
Едноставното а дамско издание Брижит маестрално го надополнила со плико-чанта од брендот Roger Vivier украсена со светкава тока и најефикасниот дел од нејзиниот стил за вечерта – луксузен чокер во златна боја.
Станува збор за ланче околу вратот, многу широко и впечатливо, украсено со симетрична работа, благодарение на што дополнително го привлекува вниманието, а одлично ја вклопила и фризурата подигната во елегантна пунџа.
