Смртните казни звучат ужасно и страотно; сепак, она што му се случило на Ричард Рус може да се смета за најсурово, пишува UNILAD.
Во 1531 година Рус бил готвач на епископот Џон Фишер од Рочестер и бил обвинет за труење на неговите гости. Наводно во кашата што ја консумирале гостите додал сомнителен прав, како и двајца питачи кои случајно се нашле на вечерата.
Откако гостите тешко се разболеле и просјаците починале, Ричард Рус побегнал. Меѓутоа, набрзо бил фатен и одведен во Лондонската кула, каде што бил мачен за да ги открие неговите мотиви.
За време на сослушувањето тврдел дека прашокот го додал во храната како од шега, не знаејќи дека е отровен и смртоносен. И покрај неговите тврдења, кралот Хенри VIII, владетел во тоа време, немал милост. Тој донел закон со кој труењето го прогласи за чин на предавство.
Според тогашниот закон, предавниците обично биле влечени по улиците, обесени, кастрирани и потоа распарчени. Но, казната на Руз била уште побрутална. На 28 февруари 1531 година, без конкретни докази освен зборот на кралот, бил осуден на смрт. На неговата егзекуција, пред насобраната толпа луѓе во Лондон, тој три пати бил фрлен во котел со врела вода додека не умрел.
Не е изненадување што многумина останаа згрозени од суровата смрт. Луѓето ја нарекоа егзекуцијата „најбрутална досега“, додека други едноставно заклучија дека човечката суровост нема граници.
